28 il sonra Azərbaycan hərbçilərinin Dağlıq Qarabağın ürəyi olan Şuşaya girməsiylə Ermənistanda sanki səkkiz bal gücündə bir zəlzələ yaşanır. İşğal altındakı Xankəndinə sadəcə kilometrlər qalıb. Şuşada Azərbaycan bayrağı dalğalanır. Beynəlxalq ekspertlər məğlubiyyətin siyasi nəticələri olacağını qeyd edirlər.
Sherg.az türk mediasına istinadən xəbər verir ki, bu gün müxalifət partiyaları Ermənistan lideri Paşinyandan görüş tələb ediblər. Qondarma Dağlıq Qarabağın "lideri" Araik Arutunyan isə cəbhə xəttindən yeni foto paylaşıb.
“Fransız Le Monde” qəzeti isə, Şuşadakı tablodan sonra ermənilərin bir də döyüşə dönüb - dönməyəcəklərini bilmədiklərini yazır.
Amerikan Associated Press (AP) xəbər agentliyi, ermənilərin Ermənistana doğru qaçmağa başladığını sübut edən fotolar yayıb.
Araik Arutunyan isə Şuşa məğlubiyyətindən sonra bu gün Xankəndində ortaya çıxıb.
Facebook səhifəsində foto paylaşan Araik Arutunyan səhərin erkən saatlarında cəbhə xəttindəki əsgərlərlə görüşdüyünü yazıb. Masa üstündə bir xəritənin olduğu fotoda Arutunyanla görüşən komandirlərin üzündəki miskin, kədər gözə dəyir.
Turan
