Böyük Britaniyanın Baş Naziri Keir Starmer və ABŞ Prezidenti Donald Tramp telefon danışığında Cenevrədə keçirilmiş görüşlərdən sonra Rusiya-Ukrayna və İran mövzularını müzakirə ediblər.
Sherg.az xəbər verir ki, Starmer görüşdə, Rusiya Prezidenti Vladimir Putinin Ukraynada mülki insanlara qarşı “barbar hücumlarını” qınadığını təkrar edib.
İki lider ədalətli və davamlı sülh üçün aparılan danışıqları qiymətləndirib, Qəzzadakı humanitar vəziyyətin yaxşılaşdırılmasının vacibliyini vurğulayıb və ABŞ-nin rəhbərliyindəki sülh planına dəstək veriblər.
Həmçinin, Starmer və Tramp İsveçrənin Cenevrə şəhərində İranın nüvə proqramı ilə bağlı davam edən danışıqları da müzakirə edib. Onlar razılaşıblar ki, İran heç vaxt nüvə silahı inkişaf etdirə bilməməlidir və bölgədə təhlükəsizliyi artırmaq üçün müttəfiqlər arasında sıx əməkdaşlıq zəruridir.
