Orta Şərqdə gərginlik artmaqda davam edir. ABŞ və İsrailin İran-a hücumları və İranın misilləmələri bölgədə vəziyyəti kəskinləşdirib. Bu prosesləri yaxından izləyən Türkiyə şənbə günü TBMM-də “İran” gündəliyi ilə toplaşacaq.
Xarici İşlər Naziri Hakan Fidan və Milli Müdafiə Naziri Yaşar Güler millət vəkillərinə diplomatik və hərbi vəziyyətlə bağlı ətraflı məlumat verəcək. Hər bir nazirin çıxışı 30 dəqiqə davam edəcək, partiya qruplarına 20 dəqiqə, qrup olmayan partiyalara isə 5 dəqiqə söz veriləcək. Daha sonra millət vəkillərinin sualları cavablandırılacaq.
Xarici İşlər Nazirliyi diplomatik addımlar və münaqişənin yayılmasının qarşısının alınması üçün atılan tədbirləri, Milli Müdafiə Nazirliyi isə Türkiyənin müdafiə hazırlıqları və regiondakı potensial riskləri təqdim edəcək.
Toplantı saat 15:00-da başlayacaq və açıq və ya qapalı şəkildə keçiriləcəyi Divan tərəfindən qərarlaşdırılacaq.
