"Rusiya Prezidenti Vladimir Putinlə görüşümüz məhsuldar keçib".
ABŞ Prezidenti Donald Tramp Alyaskadakı mətbuat konfransındakı çıxışında belə deyib.
Bununla belə, ABŞ lideri tam anlaşma və hələlik heç bir razılaşma əldə olunmadığını bildirib.
D.Tramp görüşlə bağlı Ukrayna Prezidenti Volodimir Zelenskiyə və avropalı siyasətçilərə zəng edəcəyini deyib.
O bildirib: "Biz bu gün əhəmiyyətli irəliləyiş əldə etdik və mənim Prezident Putinlə çox yaxşı münasibətim var...Birgə işləmək üçün yaxşı fürsətimiz olacaq və məhsuldar danışıqlarımız olub. Bizim sülh yolu ilə həllə nail olmaq üçün yaxşı şansımız var. Buna hələ nail olmamışıq".
D.Tramp bildirib ki, Putin münaqişəyə son qoymaq istəyir:
"Ukrayna ilə bağlı bir çox məqamlar razılaşdırılıb, sülhə nail olmaq üçün yaxşı şans var".
O, həmçinin Putini “çox tezliklə” yenidən görəcəyinə ümid etdiyini bildirib.
