ABŞ prezidenti Donald Tramp Rusiya lideri Vladimir Putinlə söhbəti zamanı sələfi, demokrat Co Baydeni növbəti dəfə təhqir edib. Sherg.az xəbər verir ki, Tramp Baydenin hakimiyyət dövrünü ölkə üçün tamamilə biabırçılıq adlandırıb. Prezidentin sözlərini New York Post (NYP) sitat gətirib.
“Bayden ölkəmiz üçün biabırçılıq idi".
Tramp ABŞ-ın keçmiş prezidentinin administrasiyasından fərqli olaraq Putinlə həmişə yaxşı münasibətdə olduğunu vurğulayıb.
Putinlə Tramp arasında söhbət, sonuncunun bəyanatına görə, Ukraynada hərbi əməliyyatların dayandırılması imkanlarının müzakirəsindən gedib. Danışıqlardan sonra Amerika lideri Rusiya prezidentinin Ukraynadakı münaqişəyə münasibətini açıqlayıb.
