ABŞ Prezidenti Donald Tramp Rusiya lideri Putinilə telefon danışığını şərh edib.
Teleqraf xəbər verir ki, bu baradə o, öz sosial şəbəkə hesabında yazıb.
D.Trampın sözlərinə görə, Putin Kiyevin aviasiya hücumlarına “cavab vermək məcburiyyətində olduğunu” bildirib.
ABŞ Prezidenti söhbətin "yaxşı" keçdiyini deyib, hərçənd bu danışığın "dərhal sülh gətirəcəyinə inanmadığını" da etiraf edib.
O yazıb: "Rusiya Prezidenti Vladimir Putinlə danışığımı indicə bitirdim. Zəng təxminən bir saat 15 dəqiqə davam etdi. Biz Ukraynanın Rusiya hava limanlarına hücumunu, eləcə də hər iki tərəfdən baş verən müxtəlif hücumları müzakirə etdik. Yaxşı söhbət oldu, lakin bu, dərhal sülhə gətirib çıxaracaq anlamını vermir. Prezident Putin çox sərt şəkildə dedi ki, o, son hücumlara cavab verməli olacaq. Biz həmçinin İranla bağlı danışdıq, bildirdik ki, İranın nüvə silahı ilə bağlı zaman azdır və bu barədə qərar verməlidir. Mən Prezident Putinə dedim ki, İran nüvə silahına sahib ola bilməz, fikrimcə, Putin də mənimlə razıdır. Putin bildirdi ki, böyük ehtimalla, İranla danışıqlara qatılacaq və bəlkə də onların tezliklə yekunlaşmasına kömək edəcək. Fikrimcə, İran qərar verməkdə gecikir və o, çox qısa müddətdə cavab verməlidir”.
