"ABŞ prezidenti Donald Tramp Senatdan İrana zərbə endirməyə icazə verməyi istəyir. Fransa öz vətəndaşlarına İandan dərhal çıxmağa çağırış edir".
Bunu "Sherg.az"a açıqlamasında politoloq Zaur Məmmədov deyib.
Siyasi şərhçi bildirib ki, prezident Tramp Nümayəndələr Palatasının sədrinə və Senatın spikernə İranı nüvə proqramına görə ABŞ-nin milli təhlükəsizliyinə təhdid kimi tanıyan və hərbi müdaxilə imkanını nəzərdə tutan S.J.Res 106 və 107-40 saylı İctimai Qanuna istinad edərək, İrana qarşı mümkün hərbi hücuma haqq qazandıran məktub göndərib:
"Bu, Cənubi Qafqaz üçün yeni çağırışlar və imkanlar deməkdir. Mümkün hava hücumları senariləri bunlardır. Nüvə obyektlərinə məhdud zərbələr endirilə bilər. Əsas hədəflər nüvə obyektlərinin yerləşdiyi Natanz, Fordo, Arak, İsfahandır. Hərtərəfli hərbi kampaniya başlayar. Hava hücumundan müdafiə vasitələrinə, aerodromlara, komanda mərkəzlərinə və strateji obyektlərə zərbələr endirilər. Müttəfiqlərin iştirak etdiyi əməliyyat keçirilə bilər. ABŞ, İsrail və Böyük Britaniya, Səudiyyə Ərəbistanının mümkün iştirakı ilə birgə əməliyyat baş tutar".
Analitikə görə, İranın cavabı da İsrailə hücumlar təşkil etmək ola bilər:
"Raket və dron zərbələri, Livanda Hizbullah fəaliyyəti və s. İran ABŞ bazalarına cavab zərbələri də endirə bilər. İraq, Suriya, Fars körfəzində də həmçinin. Hörmüz boğazının bağlanması da mümkündür. Qlobal neft tədarükünün məhdudlaşdırılması ehtimalı da var. Nəticə də regionda eskalasiya riski arta bilər. Tammiqyaslı müharibəni iddia edənlər də var. Artan neft qiymətləri, qlobal İqtisadiyyata təsir və s. mümkündür. İranda siyasi dəyişikliklər də ola bilər. Hazırda məhdud hava zərbələri ehtimalı mövcuddur. Lakin, Rusiya və Çinin mövqelərindən, ABŞ və İsrailin daxili hesablamalarından bəzi məsələlər asılı olaraq qalır. Tammiqyaslı müharibə hələ də mümkün deyil. Tramp və Netanyahunun Putinə kompromissə getmələrinin səbəblərindən biri məhz İran məsələsinə Kremlin müdaxilə etməməsi istəyidir".
