"Rusiyaya "Taurus" zərbəsi Almaniyanın münaqişəyə birbaşa müdaxiləsi olacaq".
Oxu.az xəbər verir ki, bu sözləri Rusiya Xarici İşlər Nazirliyinin rəsmi nümayəndəsi Mariya Zaxarova brifinq zamanı deyib.
Zaxarova Almaniyanın yeni seçilmiş kansleri Fridrix Mertsin rəhbərliyi altında Ukraynaya uzaqmənzilli "Taurus" raketlərinin mümkün tədarükünü şərh edib.
Onun sözlərinə görə, Merts başa düşməlidir ki, "Taurus" raketləri ilə Rusiyanın istənilən hədəfinə endiriləcək zərbələr Moskva tərəfindən Almaniyanın Kiyevin tərəfində münaqişəyə birbaşa müdaxiləsi kimi qiymətləndiriləcək.
Qeyd edək ki, aprelin 13-də Fridrix Merts uzaqmənzilli "Taurus" qanadlı raketlərinin Ukraynaya verilə biləcəyindən danışıb.
Onun sözlərinə görə, avropalı tərəfdaşlar tədarüklə bağlı razılığa gəlsələr, Almaniya da bu prosesdə iştirak etməlidir.
