Xelvaçauridə 4 nəfər Türkiyə vətəndaşı qətlə yetirilib.
Sherg.az "24News.ge"yə istinadən xəbər verir ki, xəbər verir ki, bu barədə yerli mətbuat məlumat yayıb.
Mövcud məlumata əsasən, hadisə qarşılıqlı münaqişə zəmində baş verib.
Yerli sakinlərin sözlərinə görə, mübahisə biznes məsələləri ilə bağlıdır. Əldə olan məlumata görə, Türkiyə vətəndaşları Xelvaçauridə kirayədə yaşayırmış.
Yerli sakinlərdən biri deyib: "Onlar hadisə baş verən Xelvaçauridə kirayədə yaşayırdılar, ortaq işlərini bölə bilmədilər və aralarında fikir ayrılığı yarandı, biznesə görə bir nəfər odlu silahla 4 nəfəri qətlə yetirib".
Daxili İşlər Nazirliyindən verilən məlumata görə, əməliyyat-axtarış tədbirləri nəticəsində iki və ya daha çox şəxsi ağırlaşdıran şəraitdə qəsdən adam öldürmə ittihamı ilə iki xarici ölkə vətəndaşı həbs olunub.
