Türkiyənin Afyonkarahisar bölgəsində boğaz ağrısından şikayətlənən Mehmet Gündoğana müraciət etdiyi özəl klinikalardan birində sarı zərdab vurulub. Zərdab vurulduqdan sonra xəstə həyatını itirib.
“Sherg.az” “NTV.com.tr”yə istinadən xəbər verir ki, Afyonkarahisarda mebel firmasında çalışan və Ümrə ziyarətinə getməyə hazırlaşan iki oğul atası Mehmet Gündoğan yanvarın 12-də boğaz ağrısı şikayəti ilə getdiyi Afyonkarahisar Dövlət Xəstəxanasında vəfat edib. İddiaya görə, Mehmet Gündoğanın özəl klinikada damarı açılıb, sarı zərdab kimi tanınan zərdab verilməyə başlanıb və iki fərqli zərdab bağlanmaq üçün hazırlanıb. İkinci zərdabın sonuna doğru nəfəs almaqda çətinlik çəkən Gündoğanın vəziyyəti daha da pisləşib. Klinikadakı həkim və işçilərin Gündoğana müdaxiləsi qeyri-kafi olub. Mehmet Gündoğan 112 Təcili Zəng Mərkəzinə çağırılan təcili yardımla Afyonkarahisar Dövlət Xəstəxanasına aparılıb. Reanimasiyaya alınan Gündoğan 20 saatlıq həyat mübarizəsini itirib. Mehmet Gündoğanın həyat yoldaşı Songül Gündoğan hadisəyə görə məsuliyyət daşıdığını iddia edərək, klinikadakı həkim və işçilərə qarşı vəkili vasitəsilə cinayət işi qaldırıb. Mehmet Gündoğanın dəfn mərasimi yanvarın 15-də şəhərin mərkəzindəki Sülümenli qəsəbəsində keçirilib. Mehmet və Songül Gündoğan cütlüyünün yanvarın 27-də Ümrə səfərinə çıxmağa hazırlaşdıqları bildirilirdi. Digər tərəfdən, Mehmet Gündoğanın özəl klinikalardan birində zərdab vurularkən foto çəkdirdiyi də üzə çıxıb.
