Polşanın Krakov şəhərini təmsil edən “Visla” klubunun əsas investoru Tomas Kokosinski restoranda varenikdən (içi dolu xəmir olan milli yemək) boğularaq vəfat edib.
Teleqraf “wiadomosci.radiozet.pl” saytına istinadən xəbər verir ki, iş adamı Polşaya “Visla” klubunun 5 milyon dollar dəyərində olan minoritar səhm zərfini almaq məqsədilə gəlibmiş.
İyunun 4-də axşam yeməyi zamanı varenikdən boğulan Kokosinski dərhal kritik vəziyyətdə xəstəxanaya yerləşdirilib. Ona hipoksiya (oksigen çatışmazlığı) və beyin ölümü diaqnozu qoyulub.
İyunun 10-da, çərşənbə axşamı 42 yaşlı Kokosinski həyatını itirib. O, beyin funksiyalarında geri dönüşü olmayan pozuntular səbəbindən süni tənəffüs aparatından ayrılıb.
Qeyd edək ki, “Visla” Polşanın ən qədim futbol klublarından biridir. Klub 1906-cı ildə təsis olunub və 13 dəfə ölkə çempionu olub.
