Quduz virusu daşıyan və ya aqressiv davranan heyvanlar bu prosesdən kənarda qalacaq
Hindistan Ali Məhkəməsi, sterilizasiya və peyvəndləmə prosesi keçirilmiş itlərin yenidən azad edilməsinə qərar verib.
Sherg.az xəbər verir ki, “The Times of India” qəzetinin məlumatına görə, Dehli Milli Paytaxt Bölgəsində baş verən it hücumları və quduz halları nəticəsində ölüm sayının artması ilə bağlı əvvəlki qərar məhkəmə tərəfindən yenidən nəzərdən keçirilib.
Məhkəmə, bu bölgədəki itlərin toplanmasına dair qərarın ölkə üzrə vahid milli siyasət hazırlanması üçün genişləndirildiyini bildirib.
Qərara əsasən, quduz virusu daşıyan və ya aqressiv davranışlar nümayiş etdirən itlər bu prosesdən kənarda qalacaq.
Bundan əlavə, məhkəmə sahibsiz itlərin ictimai yerlərdə yemlənməsini qadağan edib və onlar üçün xüsusi yemləmə sahələrinin yaradılmasına göstəriş verib.
