İmişlidə toyda zəhərlənənlərin sayı 53 nəfərə çatıb.
"Report"un Muğan bürosunun sorğusuna TƏBİB-dən cavab olaraq bildirilib ki, 24.09.2025-ci il tarixində saat 14:10 radələrindən etibarən zəhərlənmə şübhəsi ilə 53 nəfər (4-ü uşaq olmaqla 21-i kişi, 3-ü uşaq olmaqla 32-si qadın) İmişli Rayon Mərkəzi Xəstəxanasının Təcili Tibbi Yardım Şöbəsinə hospitalizasiya olunub.
Onlara qeyri-infeksion enterit və kolit diaqnozu təyin olunub və hər birinə zəruri tibbi yardım göstərilib.
Vəziyyəti qənaətbəxş qiymətləndirilən 1 nəfər (kişi) iltizamnaməsi alınaraq ixtisaslı tibbi xidmətdən imtina edib.
Vəziyyətləri sabit qiymətləndirilən digər şəxslərin müalicələri müvafiq şöbələrdə davam etdirilir.
***
İmişli rayonunun Muradxanlı kəndində kütləvi zəhərlənmə olub.
Sherg.az bildirir ki, bu barədə Teleqraf-a Murаdхаnlı kəndi bələdiyyəsinin rəhbəri İlham Nəcəfov məlumat verib.
Onun sözlərinə, ötən gün axşam Elxan Əhmədov nəvəsinə kiçik toy məclisi keçirib. Toyda iştirak edən insanların bəziləri zəhərlənmə faktı ilə bağlı bu gün xəstəxanaya müraciət ediblər.
"İlkin olaraq xəstəxanaya beş nəfər müraciət etmişdi. Amma sonradan müraciət edənlərin sayı artdı. Son məlumatlara görə, 18 nəfər zəhərlənib. Zəhərlənmənin hansı qidadan olduğuna dair fikir bildirmək çətindir. Qida Təhlükəsizliyi Agentliyinin əməkdaşları da məsələdən xəbərdardırlar. Hazırda məsələ ilə bağlı araşdırma aparılır".
