Argentinada elm sərgisində partlayış baş verib.
Publika.az xəbər verir ki, bu barədə "TN" məlumat yayıb.
Məlumata görə, hadisə Palermo rayonundakı məktəbdə baş verib.
Məktəbdəki sərgidə kimya təcrübəsi partlayışla nəticələnib və 4 nəfərin yaralanmasına səbəb olub. Xəsarət alanlardan üçü azyaşlıdır. Şagirdlərdən birinin anası da yanıq xəsarətləri alıb.
Xatırladaq ki, oktyabrın 10-da da Argentinanın Buenos-Ayres əyalətində yarmarkada oxşar hadisə baş vermişdi. Vulkan püskürməsini imitasiya edən eksperiment zamanı baş verən partlayış nəticəsində 10-dan çox insan xəsarət almışdı.
