Ağdaşda Yuxarı Şirvan kanalında batan şəxslə bağlı bəzi təfərrüatlar məlum olub.
Teleqraf-ın yerli bürosu xəbər verir ki, dünən saat 19:30 radələrində Ağdaş rayonu Ağcayazı kənd sakini 1959-cü il təvəllüdlü Əkbərova Nazilə Əlabbas qızı yaşadığı evdən çıxaraq geri qayıtmayıb.
Nazilə Əkbərovaya məxsus geyim yaşadığı evin yanından keçən Yuxarı Şirvan kanalının yaxınlığında aşkar edilib.
İlkin ehtimala görə, o, özünü Ağdaş rayonu Ağcayazı kəndindən keçən Şirvan su kanalına atıb.
Qadının qara ciyər serozu xəstəliyindən əziyyət çəkdiyi bildirilir.
Faktla bağlı araşdırma aparıllr.
***
10:07
Fövqəladə Hallar Nazirliyinin "112" qaynar telefon xəttinə Yuxarı Şirvan kanalının Ağdaş rayonu, Aşağı Ağcayazı kəndi ərazisindən keçən hissəsində 1 nəfərin kanalda batması barədə ilkin məlumat daxil olub.
Nazirlikdən Teleqraf-a verilən xəbərə görə, əraziyə dərhal FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu cəlb edilib.
Hazırda vətəndaşın batdığı ehtimal edilən istiqamətlər üzrə axtarışlar davam etdirilir.
Əlavə məlumat veriləcək.
