Yaponiyanın Fukusima şəhərində ayı bir insanı parçalayıb.
Teleqraf xəbər verir ki, yırtıcının qurbanı 52 yaşlı qəzet paylayan şəxs olub. Onun, üzərində çoxsaylı pəncə izləri olan qalıqları kolluqda aşkar edilib.
Hadisədən sonra hakimiyyət Fukusima sakinlərini ehtiyatlı olmağa çağırıb, polis isə küçələrdə 24 saat patrul xidmətinə başlayıb. Baş verənlər şəhər sakinlərini dəhşətə gətirib. Təhlükə səbəbindən insanlar küçəyə çıxmaqdan qorxurlar, uşaqların isə məktəbə piyada getməsinə icazə verilmir.
Məktəblilərdən birinin anası uşağının qorxduğunu söyləyib və ayının tezliklə tutulacağına ümid etdiyini bildirib. Onun sözlərinə görə, əks halda işə getmək onun üçün çətin olacaq.
Heyvan isə hələ də tutulmayıb. Bu yaxınlarda onu bir məktəbin yaxınlığında görüblər. Daha sonra yaxınlıqdakı supermarketin yanında qəhvəyi tük və pəncə izləri aşkar edilib.
