Beyləqanda yük avtomobili minik avtomobili ilə toqquşub.
Trend-in yerli müxbirinin xəbərinə görə, hadisə rayonun Şərq qəsəbəsi ərazisində qeydə alınıb.
Belə ki, hərəkətdə olan "MAN" markalı yük avtomobili "Nissan" markalı minik avtomobili ilə toqquşub. Nəticədə, "Nissan"da olanlar - 1977-ci il təvəllüdlü Abdullayev İlham İsgəndər oğlu və 1989-cu il təvəllüdlü Umudzadə Rəşail Şamil oğlu müxtəlif dərəcəli xəsarət alıblar.
Onlar Beyləqan Mərkəzi Rayon Xəstəxanasına çatdırılıblar.
TƏBİB-dən Trend-ə bildirilib ki, 01.07.2025-ci il saat 18:00 radələrində Beyləqan rayonunda baş vermiş yol-nəqliyyat hadisəsi nəticəsində 2 nəfər (kişi cinsli) Beyləqan Rayon Mərkəzi Xəstəxanasına hospitalizasiya olunub.
1978-ci il təvəllüdlü şəxsə bədənin müxtəlif nahiyələrinin sıyrıqları, 1989-cu il təvəllüdlü şəxsə isə sağ dizin açıq yarası, sol dizin sınığı, bədənin müxtəfil nahiyələrinin sıyrılmış yaraları diaqnozu təyin edilib.
1978-ci il təvəllüdlü şəxsə zəruri tibbi xidmət göstərildikdən sonra ambulator müalicə üçün evə buraxılıb.
1989-cu il təvəllüdlü şəxs isə ixtisaslı tibbi müayinə olunması üçün İmişli Rayon Mərkəzi Xəstəxanasına təxliyə olunub.
Faktla bağlı araşdırma aparılır.
