Antalyada bir nəfər körpüdən yıxılaraq yaralanıb.
Sherg.az xəbər verir ki, hadisə dünən axşam saat 23:00 radələrində Konyaaltı rayonunun Arapsuyu məhəlləsində yerləşən Recep Tırak körpüsündə baş verib.
Əldə edilən məlumata görə, dostları ilə birlikdə Konyaaltı sahili istiqamətində gəzintiyə çıxan 31 yaşlı Deniz E., körpüyə çatdıqda dayanıqlı olub.
Dostları yollarına davam edərkən, Deniz E. körpünün beton arakəsmələrinə çıxıb və bu zaman tarazlığını itirərək 5 metr hündürlükdən beton zəminə yıxılıb.
Ərazidə olan xüsusi mühafizəçi hadisəni görüb və dərhal bu barədə 112 Təcili Çağrı Mərkəzinə məlumat verib.
Hadisə yerinə gələn yanğınsöndürənlər gənci xilas etmək üçün işə başlayıb, polis əməkdaşları isə ətrafda təhlükəsizlik tədbirləri görüblər.
Yanlarına qayıtmayan Deniz E.-nin dostları da geri dönərək xilasetmə işlərini maraqla izləyiblər.
Yanğınsöndürənlər sedyaya yerləşdirdikləri Deniz E.-ni xilasetmə maşınındakı kran vasitəsilə olduğu yerdən çıxarıblar.
İlkin tibbi müdaxiləsi təcili tibbi yardım maşınında edilən gənc, müalicə olunmaq üçün Antalya Tədris və Tədqiqat xəstəxanasına aparılıb.
