İstanbulun Zeytunburnu rayonunun Sümer məhəlləsində dünən axşam saatlarında Erkan və Cansel Kaya cütlüyünün 5 övladından ən kiçiyi olan 2 yaşlı Elif, 5-ci mərtəbədə yerləşən evlərinin eyvanında oyun oynayırdı.
Sherg.az xəbər verir ki, balaca Elif oyun oynayarkən eyvandan yıxılıb. Onun valideynləri qorxu içində dərhal aşağı qaçıb.
Hadisə yerinə ətrafdakıların xəbər verməsi ilə gələn təcili tibbi yardım əməkdaşları ilkin müdaxilədən sonra Elifi təcili xəstəxanaya aparıblar.
Balaca Elifi xəstəxanada edilən bütün müdaxilələrə baxmayaraq xilas etmək mümkün olmayıb.
