Gəncə şəhərində Abbas Səhhət adına Birləşmiş Xəstəxananın yaxınlığında "Nissan” markalı avtomobildə meyiti tapılan şəxsin kimliyi dəqiqləşdirilib.
Teleqraf.com-un yerli bürosu xəbər verir ki, 47 yaşlı Şirin Cəfərov Azərbaycan Dəmir Yolları Qapalı Səhmdar Cəmiyyətinin əməkdaşı olub. O, qurumun Qərb Stansiyaları İdarəetmə Xidmətinin rəis müavini vəzifəsində işləyib.
Mərhumun şəxsi avtomobilində ürəktutmasından həyatını itirdiyi bildirilir.
Faktla bağlı Gəncə şəhər Prokurorluğunda araşdırma aparılır.
