Gimnastika üzrə Olimpiya çempionu Meri Lou Retton sərxoş vəziyyətdə avtomobil idarə etdiyinə görə cərimələnib.
Publika.az xəbər verir ki, bu barədə ESPN məlumat yayıb. Mayın 17-də Fairmont polisi “Porsche” sürücüsünün qeyri-sabit hərəkət etməsi barədə xəbərdən sonra onun avtomobilini saxlayıb. Məlumata görə, keçmiş idmançıdan spirt iyi gəlib, nitqini pozub və alkotester testindən keçə bilməyib. Hüquq-mühafizə orqanları sərnişin oturacağında bir şüşə şərab tapıldığını bildirib.
57 yaşlı keçmiş gimnast məhkəmədə günahını etiraf edib. Məhkəmə onu ilk dəfə törədilən ağır olmayan cinayətə görə 100 dollar cərimələyib.
Retton 1984-cü ildə Olimpiadanın qalibi olub. O, Olimpiadada çoxnövçülükdə qalib gələn ilk amerikalı gimnastdır.
