Dolqu və botoks kimi estetik prosedurlara baş vuranlar gündən-günə çoxalır. Sosial media fenomeni Danla Biliç 3 il əvvəl ombasına etdirdiyi dolğunun qabırğalarına yayıldığını və həkiminin əməliyyatı edərkən əməliyyatın risklərindən bəhs etmədiyini iddia edib.
Sherg.az “NTV.com.tr”yə istinadən qeyd edir ki, o, hətta izləyicilərinə "Heç vaxt omba dolqusu etməyin" mesajı verib. Danla Biliç, həkim ona “o dolğular sürüşüb qabırğalarına qədər gedəcək”, deyə xəbərdar etmədiyi üçün sənədləri imzalayıb və əməliyyata razılıq verib. D.Biliç “indi başqa həkim yenidən əməliyyat aparacaq. Əgər dolğu əməliyyatı etdirmək istəyirsinizsə, onu ləğv edin, vaz keçin, həyat üçün təhlükəlidir” deyə bildirib. Plastik və estetik cərrahiyyə mütəxəssisi Alper Eskalen, hər estetik prosedurda olduğu kimi son illərdə bud-çanaq estetikasına marağın artdığını ifadə edərək, omba dolğularının həyati risklərini izah edib. "Sosial media omba dolğularına marağın artmasına böyük təsir edir" deyən həkim enjeksiyonlu omba dolğularının yaratdığı risk və yan təsirlərə görə dünyanın bir çox ölkəsində qadağan edildiyini bildirib. Eskalen, bəzi xəbərdarlıqlar edib: "Bu dolğuların yaratdığı ən böyük problem onların toxumada nəzarətsiz şəkildə dağılaraq yayılması və orqanizmin bu dolğu maddəsini qəbul etməməsi, yad cisim reaksiyası deyilən reaksiyaya səbəb olmasıdır. Bundan başqa tətbiq zamanı sterillik şəraitindən asılı olaraq infeksiyaya səbəb ola bilər və bu infeksiyaya bağlı yara inkişafı hətta həyati risklərə də səbəb ola bilər. Bundan əlavə, omba bölgəsində damar quruluşu baxımından pleksus adlı şəbəkə quruluşu var. İnyeksiya zamanı bu təhlükəli nahiyəyə yanlış yeridilməsi dolğunun ağciyərlərə və ürəyə getməsinə və həyati təhlükə yarada bilər". Omba estetikası üçün ən yaxşı həllin insanın öz piyindən lazımi miqdarda və təhlükəsiz bölgələrdə edilən iynələr olduğunu vurğulayan həkim plastik-rekonstruktiv və estetik cərrahlar xaricində kimsəyə əməliyyat üçün müraciət edilməməsini tövsiyə edib.
