Yaponiya'nın cənub-qərbində yerləşən Kumamoto şəhərində bir evdə və onun ətrafında yüzdən çox ölü pişik tapılıb. Həmin evdə yaşayan qadının, pişik qoruma məqsədilə fəaliyyət göstərən könüllü bir qrupda çalışdığı məlum olub.
Sherg.az xəbər verir ki, şəhərin heyvanları qoruma mərkəzi, bir cütlüyün mərkəzə etdiyi şikayət üzərinə hərəkətə keçib. Cütlük, öz pişiklərindən birini baxması üçün qadına təhvil verdiklərini, lakin qadının onlara pişiyin öldüyü xəbərini verdiyini bildirib.
Bunun üzərinə bazar ertəsi günü heyvan hüquqları könüllüsü ilə birlikdə polis qadının evinə girib.
Evə baxış keçirilərkən çox sayda ölü pişik aşkar edilib, eyni zamanda evin içərisində zibil yığınlarının olduğu görünüb.
Uzun müddətdir ev heyvanlarına baxa bilməyən şəxslərdən pişikləri qəbul edən qadın, verdiyi açıqlamada vəziyyətin necə bu həddə çatdığını özünün də bilmədiyini deyib.
Könüllü qrupun nümayəndəsi isə vəziyyətdən xəbərləri olmadığını bildirərək üzr istəyib.
