Abşeronda dəhşətli cinayət törədilib.
Hadisə rayonun Məmmədli kəndində qeydə alınıb.
Orada yaşayan, Salyan rayon sakini, 2008-ci il təvəllüdlü Səid Eldəniz oğlu Əliyev münaqişə zəminində anası, 1986-cı il təvəllüdlü Rəfiqəni bıçaqlayaraq qətlə yetirib. Hadisəni törədən S.Əliyev polis tərəfindən tutulub.
Faktla bağlı rayon prokurorluğu tərəfindən araşdırma aparılır.
Psixoloq Sevinc Baxışova “Sherg.az”a bildirib ki, hər kəs valideyn olduğunu, analığın, atalığın nə olduğunu unutmamalı, qadınlar analıq hisslərini mətbəx əşyalarının arasında itirməməlidir:
“Əgər siz valideyinlik hissini unutmasanız övladınız da sizdən sevgini hörməti əsirgəməyəcək. Ata-ananın uşağına verə biləcəyi ən qiymətli hiss güvən hissidir. Şiddət olan ailədə gənclər çox vaxt reaksiya verə bilmirlər. Çünki bir tərəf atadır, bir tərəf ana. Nəticədə özlərinə qapanırlar, xüsusilə də oğlanlar. Ümumiyyətlə, şiddət valideynlə uşaq arasında böyük uçurum yaradır. Valideynləri ilə bölüşəcəklərini yadlara danışır, məsləhəti ata-ana qədər doğma olmayan şəxslərdən alırlar. Düzdür, o gənclər reaksiyasız qalırlar, amma sonra artıq bu, onların şüuraltına oturur və düşünürlər ki "ailə" belə olmalıdır. Şiddətin fəsadları elə uşaqlıq vaxtlarından özünü birüzə verir. Yaşanan qorxu, stress, narahatçılıq, aqressiya, yemək pozuntusu psixolojı pozğunluğa və yorğunluğa gətirib çıxardır. Sabah da o, öz ailəsində şiddət tətbiq edəcək və bunun normal olduğunu düşünəcək.Şiddət və zorakılıq törədən insanların 40 faizi vaxtiykən özləri şiddətə məruz qalanlardır. Təəssüf ki, son illərdə ailədaxili şiddətin qarşısının alinmasında bir çox işlər gorünməsinə baxmayaraq, zorakılıq hallarında bir o qədər də artım müşahidə olunur”.
