Məşhur Rusiya serialı "Sınıq lampalar küçəsinin" aktyoru Vadim Alferov Ukraynada aparılan hərbi əməliyyatlar zonasında həlak olub.
Teleqraf xəbər verir ki, məlumatı aktyorun yaxınları rus mediasına təsdiqləyiblər.
Aktyor "Birinci şöbə", "İstintaq sirləri", "Sınıq lampalar küçəsi", "Ölümcül güc", "Dəniz şeytanları" seriallarında çəkilib, həmçinin Sankt-Peterburq Dövlət Uşaq Dram Teatrı "Na Neve"də çalışıb.
Məlumata görə, Alferovun noyabr ayının sonunda Kursk vilayətinin Sudjanski rayonunda itkin düşməsi ilə bağlı bildiriş 23 dekabrda hərbi komissarlıq tərəfindən verilib. Aktyorun cəsədi 7 may tarixində tanınıb.
Yaxınları "dünən dəfnindən 40 gün ötdü" deyib aktorun ölümünü təsdiqləyiblər.
“Kino-Teatr.Ru”nun yazdığına görə, Alferov 2024-cü ilin oktyabrında müqavilə imzalayaraq Kursk vilayətində döyüş tapşırıqlarını yerinə yetirən motoatıcı polka qoşulub.
Yaxınları bildiriblər ki, aktyor Sankt-Peterburqdakı "Cənub" qəbiristanlığında dəfn olunub.
