Şəkidə bir nəfərin ölümü ilə nəcələnən yol-nəqliyyat hadisəsi baş verib
APA-nın Şimal-qərb bürosunun məlumatına görə, hadisə saat 17 radələrində Şəki rayonunun Böyük Dəhnə kəndi ərazisində baş verib.
Belə ki, Azad Abdullayev idarə etdiyi “Mercedes” markalı avtomobillə piyada 1950-ci il təvəllüdlü Fəxrəddin Beybudovu vurub. Piyada aldığı xəsarətlərdən hadisə yerində ölüb.
DİN-in Mətbuat Xidmətinin regional qrupundan APA-nın sorğusuna cavab olaraq bildirilib ki, faktla bağlı ərazi üzrə polis orqanında cinayət işi başladılıb, istintaq aparılır.
