Böyük Britaniyadan Misirə uçan təyyarəni Afinada planlaşdırılmamış yerə enməyə məcbur edən sərxoş sərnişin 15 min funt sterlinq cərimələnəcək.
Sherg.az xəbər verir ki, hadisə çərşənbə günü günorta saatlarında Wizz Air təyyarəsi Qırmızı dənizdəki Hurqada kurortuna gedərkən Qatvikdən havaya qalxdıqdan iki saat sonra baş verib.
Hadisə şahidlərinin sözlərinə görə, uçuşun böyük hissəsini içki içərək təyyarədə başqa sərnişinlə yer dəyişdirən qadın daha sonra əsəbiləşib və ondan sakitləşməsini istəyən uçuş heyətini söyüb.
Daha sonra pilot beş saatlıq uçuşun ortasında təyyarəni yönləndirməyə qərar verib və A321 Yunanıstanın Afina hava limanına enib.
"MailOnline"-ın əldə etdiyi videogörüntülərdə alqışladıqlarla üç polis əməkdaşının sərnişinə təyyarədən enməsinə kömək etdiyi görünür.
Wizz Air indi yanacaq, işçilərin iş saatları və otel xərclərini, habelə cədvəlin pozulması səbəbindən çəkilən əlavə xərcləri məhkəmə yolu ilə geri qaytarmağa çalışır.
