Ukrayna Təhlükəsizlik Xidməti (UTX) Antiterror Mərkəzinin rəhbəri polkovnik Dmitri Kozyuranı Rusiya xüsusi xidmət orqanları ilə əməkdaşlıq etdiyinə görə saxlayıb.
Axar.az xəbər verir ki, bu barədə UTX-nin mətbuat xidməti məlumat yayıb.
D.Kozyura şəxsən Ukrayna Təhlükəsizlik Xidmətinin rəhbəri Vasili Malyuk tərəfindən saxlanılıb.
Agenti saxlamaq üçün açıq və gizli tədbirləri əhatə edən misli görünməmiş xüsusi əməliyyat həyata keçirilib.
V.Malyukun sözlərinə görə, o, işə şəxsən nəzarət edib, xüsusi əməliyyatın hazırlanması və həyata keçirilməsi barədə birbaşa prezident Vladimir Zelenskiyə məruzə edib.
