Yunanıstan sahilində 4,4 maqnitudalı zəlzələ olub.
“Report” xəbər verir ki, bunu Avropa – Aralıq dənizi Seysmoloji Mərkəzi bildirib.
Mərkəzin verilənlərinə əsasən, yeraltı təkanların episentri paytaxt Afina yaxınlığındakı Peristerion şəhərindən 51 km şimal-şərqdə olub. Yerli vaxtla 17:55-də (Bakı vaxtı ilə 19:55-də) qeydə alınmış zəlzələnin ocağı 16 km dərinlikdə yerləşib.
Tələfat və dağıntılar barədə məlumat verilməyib. Sunami təhlükəsi elan olunmayıb.
