Sentyabrın 1-dən Finlandiyanın Mikkeli şəhərində NATO-nun quru komandanlığının regional qərargahı fəaliyyətə başlayıb.
APA xəbər verir ki, bu barədə Finlandiya Müdafiə Nazirliyi məlumat yayıb.
Şəhər Rusiya sərhədindən cəmi 140 km, Sankt-Peterburqdan isə 304 km məsafədə yerləşir.
İlkin mərhələdə qərargahda 10-a yaxın mütəxəssis çalışacaq, lakin yaxın illərdə onların sayının 50-yə çatdırılması planlaşdırılır.
Komandanlıq heyəti NATO-ya üzv ölkələrin, o cümlədən Finlandiya nümayəndələrindən formalaşdırılıb.
