Ukraynanın Donetsk vilayətinin Pokrovsk rayonu ətrafında vəziyyət sabitləşib, Rusiya ordusunun burada maddi-texniki təminat problemləri var.
Teleqraf xəbər verir ki, bu barədə Ukraynanın “DeepState” monitorinq qrupu məlumat yayıb.
Məlumatda deyilir ki, bu durumdan istifadə edən Ukrayna qüvvələri Kotlin qəsəbəsi istiqamətində irəliləyirlər.
Həmçinin qeyd olunur ki, rusları hücum əməliyyatlarını inkişaf etdirməyə çalışdıqları Vodyanı Druqı yaxınlığında və Kostyantinivka-Pokrovsk avtomobil yolunda dayandırmaq mümkün olub:
“Hazırda vəziyyət sabitləşib, amma düşmən öz taktiki mövqeyini yaxşılaşdırmaq üçün bəzi istiqamətlərdə fəallıq göstərməyə çalışırlar”.
Mənbə əlavə edir ki, Pokrovsk ətrafında təşəbbüs Ukrayna ordusuna keçib:
“Düşmənin bəzi yerlərdə irəliləyişlərinin və toqquşmaların sayının azaldığını görə bilərik. Amma bundan hər hansı bir nəticə çıxarmaq hələ tezdir, çünki hər şey bir anda dəyişə bilər”.
