"Barselona"nın hücumçusu Robert Levandovski Çempionlar Liqasında qol sayını 100-ə çatdırıb.
QOL.az xəbər verir ki, polşalı forvard Liqa mərhələsinin 5-ci turunun "Brest"lə oyununda penaltini dəqiq yerinə yetirib.
Bununla da o, ÇL-də 100 qol həddinə çatan 3-cü futbolçu olub. Əvvəllər bu göstəriciyə yalnız Kriştiano Ronaldo (140) və Lionel Messi (129) nail olub.
36 yaşlı futbolçu 100 qolu 125 matçda vurub.
Hazırda Səudiyyə Ərəbistanının “Əl-İttihad” klubunda çıxış edən Kərim Benzemanın Çempionlar Liqasında 90 qolu var. Tomas Müller bu turnirdə 54, Kilian Mbappe 49 qol urub.
