İngiltərə futbolunun əfsanəsi Qari Lineker BBC-dən ayrılması haqda danışıb.
Publika.az xəbər verir ki, bundan əvvəl İngiltərə yığmasının keçmiş hücumçusu və BBC-nin “Günün Maçı” proqramının aparıcısı fələstinli vəkil Diana Buddun İsrailin Qəzza zolağındakı hərəkətlərini tənqid edən videosunu paylaşmışdı.
Nasist Almaniyasında yəhudiləri təsvir etmək üçün tez-tez istifadə edilən bir siçovul şəkli videoya əlavə edilmişdi. O, daha sonra paylaşımını silmişdi. BBC Linekerin getdiyini mayın 19-da elan etdi.
“Həm meydanda, həm də studiyada xatırlaya bildiyim müddət ərzində futbol həyatımın mərkəzində olub. Mən oyuna və uzun illər ərzində BBC-də etdiyim işlərə çox əhəmiyyət verirəm .
Dediyim kimi, mən heç vaxt bilərəkdən antisemit məzmunlu heç bir şeyi repost etməzdim – bu, müdafiə etdiyim hər şeyə ziddir. Bununla belə, mən səhvimi və insanları kədərləndirdiyimi etiraf edirəm və bir daha deyirəm ki, çox peşmanam. İndi getmək məsuliyyətli bir iş kimi görünür”, – Lineker deyib.
