"Qalatasaray"ın və türk futbolunun simvolu olan Fatih Terim qısa fasilədən sonra məşqçiliyə qayıtmağa qərar verib.
Oxu.Az "TGRT Haber"ə istinadən xəbər verir ki, "Qalatasaray"dan ayrıldıqdan sonra Yunanıstanda "Panatinaikos" və Səudiyyə Ərəbistanında "Əş-Şabab"ı çalışdıran Fatih Terim məşqçilik karyerasını davam etdirmək qərarına gəlib.
71 yaşlı məşqçinin növbəti dayanacağı Yaxın Şərq olacaq. Birləşmiş Ərəb Əmirliklərində bir komandanın baş məşqçisi olacaq Terim bu gün görüş üçün Dubaya gedəcək.
Onun BƏƏ-nin hansı klubu ilə müqavilə imzalayacağı hələ bəlli olmasa da, Fatih Terimin yenidən Yaxın Şərq klubuna rəhbərlik edəcəyi, demək olar ki, dəqiqdir.
Qeyd edək ki, "İmperator" ləqəbli təcrübəli məşqçi karyerasında ilk dəfə Birləşmiş Ərəb Əmirlikləri liqasında çıxış edəcək.
