"Beşiktaş"ın yeni baş məşqçisi olaraq açıqlanan Sergen Yalçın, klub prezidenti Serdal Adalı ilə görüşündə prioritetlərini sadalayıb və onların təcili həyata keçirilməsini istəyib.
Sherg.az xəbər verir ki, "Lausanne" tərəfindən turnirdən kənarlaşdırılaraq Avropa macərasını başa vuran "Beşiktaş"da gecəyarısı həyata keçirilən sürətli əməliyyatla Solskjaerin yerinə komandaya gətirilən Sergen Yalçın rəsmi olaraq təsdiqləndi.
52 yaşlı mütəxəssislə 2 illik müqavilə bağlanıb və “Yenidən başlayırıq” mesajı ilə ictimaiyyətə təqdim edilib. Rəhbərlik isə heyətdəki boşluqları tamamlamaq üçün hərəkətə keçib.
3 TRANSFER TƏLƏBİ
Ole Gunnar Solskjaerin gedişindən sonra "Beşiktaş" dünən Sergen Yalçının baş məşqçi təyin edildiyini açıqladı. İşə dərhal başlayan Yalçın, komandanı ayağa qaldıra bilmək üçün təcili olaraq üç transferin zəruri olduğunu bildirib.
Gecə yarısı Prezident Serdal Adalı ilə görüşən Sergen Yalçın ilk olaraq sağ cinah müdafiəçisinin alınmasının vacibliyini vurğulayıb. Liqanı əldən vermək istəməyən və bütün oyunlara qələbə üçün çıxacağını bildirən Yalçın, müdafiənin sağına ediləcək bu əlavənin yanında həm sağ, həm də sol cinah hücumçusu tələb edib.
Komandanın cinahlarının düzgün işləməsi üçün bu üç mövqenin onun üçün xüsusi əhəmiyyət daşıdığını bildirən Yalçın, transfer pəncərəsinin bitməsinə az vaxt qaldığını xatırladaraq dərhal hərəkətə keçməyin vacibliyini qeyd edib.
Prezident Adalı isə bu mövqelərlə bağlı işlərin aparıldığını və potensial namizədlərin olduğunu açıqlayıb. Qeyd edək ki, Solskjaer də oxşar tələblər irəli sürmüşdü.
