Xorvatiyanın Dubrovnik şəhərində böyüklər arasında Avropa Kuboku start götürüb.
Teleqraf xəbər verir ki, ilk yarış günündə Azərbaycan cüdoçuları 2 bürünc medal əldə edib.
Kişilər arasında Kamran Süleymanov (-73 kq), qadınların mübarizəsində Nərmin Əmirli (-78 kq) üçüncü yerin sahibi olub. Turnirdə 39 ölkədən 413 idmançı mübarizə aparır
Çexiyanın Teplitse şəhərində keçirilən yeniyetmələr arasında Avropa Kubokunun ilk günündə isə Azərbaycan komandası 7 medal qazanıb.
Nərmin Ağamirzadə (-48 kq) və Rəsul Əlizadə (-55 kq) qızıl medala yiyələnib. Gülşən Hüseynova (-44 kq) gümüş medalı boynundan asıb. Mədinə Hüseynova (-40 kq), Anar Quliyev (-50 kq), Röyal Qayıbov (-60 kq) və Əli Hümbətov (-66 kq) bürünc medalın sahibi olub.
Bu nəticələrdən sonra Azərbaycan ilk yarış gününü birinci pillədə tamamlayıb.
Turnirdə 38 ölkədən 805 cüdoçu qüvvəsini sınayır.
