“Osasuna” futbol klubu İspaniya çempionatının 27-ci turunda "Barselona" ilə oyunun nəticələrindən sonra Beynəlxalq Futbol Federasiyasının (FİFA) reqlamentinin mümkün pozulması ilə əlaqədar apelyasiya şikayəti verib.
“Report” xəbər verir ki, bu barədə "Osasuna"nın mətbuat xidmətindən bildirilib.
Klub hesab edir ki, kataloniyalı müdafiəçi İniqo Martinez millidən qayıtdıqdan sonra bu görüşdə iştirak etmək hüququ olmayıb.
Qeyd edək ki, 33 yaşlı Martinez zədə səbəbindən İspaniya millisinin heyətinə daxil edilməyib və Millətlər Liqasının 1/4 final mərhələsinin martın 20-də və 23-də baş tutan matçlarında Niderlandla oynamayıb. Martın 27-də isə" Osasuna" ilə matçda (3:0) bütün 90 dəqiqəni meydanda keçirib.
Martın 17-də İspaniya Kral Futbol Federasiyası (RFEF) Martinesin tibbi səbəblərə görə milli komandadan ayrıldığını açıqlayıb. FİFA qaydalarına əsasən, milli komandanı tərk edən və ya tibbi səbəblərə görə ona qoşulmayan futbolçu beynəlxalq fasilə bitdikdən sonra ən azı beş gün klubda oynaya bilməz. Beynəlxalq fasilə martın 23-də başa çatıb.
"Osasuna" hesab edir ki, bu halda FİFA reqlamentinin icazə verdiyi qaydalara istisnalar tətbiq etmək mümkün deyil. Çünki Martinezin milli komandadan kənarlaşdırılmasının səbəbi tibbi problem olub. Apellyasiya şikayəti təmin olunarsa, "Barselona"ya texniki məğlubiyyət verilə bilər.
"Osasuna" 28 oyundan 33 xalla ölkə çempionatının turnir cədvəlində 14-cü yerdədir. Turnir cədvəlinə 28 oyundan sonra 63 xalla "Barselona" başçılıq edir. "Osasuna"nın növbəti oyunu "Atletik"lə səfərdə, "Barselona" isə evdə "Jirona" ilə qarşılaşacaq. Hər iki görüş martın 30-da baş tutacaq.
