AFFA "Mingəçevir"in futbolçusu Muxtar Nəzərlinin danışılmış oyunlarda iştirakına görə ömürlük futboldan uzaqlaşdırılması ilə bağlı etdiyi apellyasiya şikayəti haqda yekun qərarını açıqlayıb.
QOL.az xəbər verir ki, bu barədə qurumun mətbuat xidməti məlumat yayıb.
Məlumatda bildirilib ki, AFFA-nın Apellyasiya Arbitraj Tribunalı qərarı qüvvədə saxlayıb. 22 yaşlı yarımmüdafiəçi üçün futbola aid hər hansı bir məşğuliyyəti qadağan olunub.
Qeyd edək ki, Muxtar Nəzərli ötən ilin sentyabrından "Mingəçevir"in formasını geyinirdi.
