"Komandada baş məşqçi yoxdur, oyunçular sement torbası daşıyırmış kimi hərəkət edir"
2025-ci ilin FIFA Klub Dünya Kubokunun 16-cı turunda ABŞ-ın “Inter Miami” komandası ilə Fransanın Paris Sen-Jermen (PSJ) komandası arasında keçirilən oyunda PSJ 4:0 hesabı ilə qalib gəlib. Qarşılaşmadan sonra keçmiş ulduz futbolçu Zlatan İbrahimoviç maraqlı açıqlamalar verib.
Sherg.az xəbər verir ki, İsveçli futbol əfsanəsi Messi haqqında təriflərlə danışıb, ancaq “Inter Miami”nin baş məşqçisi və oyunçuları barədə sərt sözlər deyib:
"Messi yox, “Inter Miami” uduzub! Futbolçular yox, sanki heykəllərlə oynayırsan. Onların ətrafı sement torbası daşıyanlar kimi qaçan oyunçularla doludur! Əslində böyük komandada olsaydın, həqiqi aslanı görərdin. Messi hələ də bu oyunu çox sevdiyi üçün oynayır. Çünki dünyadakı futbolçuların 99%-nin edə bilmədiyini o hələ də bacarır."
"Komandanın başında baş məşqçi yoxdur, heyətdə ulduz yoxdur və hətta top olmayan yerdə necə hərəkət etməli olduğunu bilən oyunçu da yoxdur! Mənim tanıdığım Messi bu deyil. Onu əsl komandaya qoysan, stadionu yenə alışdırar!"
"Messi bənzəri olmayan bir oyunçudur. Başqa kim onun etdiyi hərəkətləri edə bilər, bilmirəm. Onun özünəməxsus tərzi var və ona bənzəmək mümkün deyil. Mən onu hər gün görmüşəm. Messiylə oynamaq PlayStation idarə etmək kimidir: topu ver və oyunçuları tək-tək keç."
PSJ növbəti mərhələdə “Bayern Münhen” və “Flamenqo” arasında qalib gələn komandaya qarşı mübarizə aparacaq.
