Türkiyə Trendyol Super Liqasının 33-cü turunda "Qalatasaray" "Eyüpspor"un qonağı olub, "sarı-qırmızılılar"ın üçüncü qolunu nigeriyalı futbolçu Viktor Osimhen vurub.
Sherg.az xəbər verir ki, matçın 71-ci dəqiqəsində cərimə meydançası daxilində topla qarşı-qarşıya qalan Osimhen nəzarəti ələ aldıqdan sonra etdiyi zərbə ilə topu qapı toruna göndərdi və hesabı 3:0 etdi.
26 yaşlı futbolçu beləliklə Super Liqadakı qol sayını 22-yə çatdırdı və bombardirlər yarışında liderliyini davam etdirdi. UEFA Avropa Liqasında 6, Ziraət Türkiyə Kubokunda isə 3 qol vuran Osimhen bu mövsümdə ümumi qol sayını 31-ə yüksəltdi və ən məhsuldar mövsümünü təkrarladı.
Nigeriyalı futbolçu ən məhsuldar mövsümünü 2022-2023-cü illərdə "Napoli"də çıxış edərkən 31 qolla yaşamışdı.
Oyuna start heyətində başlayan Viktor Osimhen 76-cı dəqiqədə yerini Əhməd Kutucuya verib.
Matç 5:1 hesabı ilə başa çatıb və "Qalatasaray" zirvədəki xal fərqini yenidən 5-ə çıxarıb.
