İspaniyanın “Sevilya” klubu “Qarabağ”ın hücumçusu Juninyonu heyətinə qatmaq üçün danışıqları davam etdirir.
QOL.az-ın əldə etdiyi xəbərə görə, İspaniyanın bəzi media qurumlarının tərəflərin razılığa gəldiyi və Juninyonun artıq “Sevilya”ya keçməyə yaxın olması barədə yaydığı məlumatlar həqiqəti əks etdirmir.
Hazırda klublar arasında heç bir razılıq yoxdur və danışıqlar davam edir. “Sevilya” Juninyonu bu qış heyətinə cəlb etmək istəyir.
Xatırladaq ki, “Qarabağ" daha əvvəl "Sevilya"dan gələn rəsmi transfer təklifinə imtina cavabı verib. Klubun direktoru Emrah Çelikel daha öncə QOL.az-a bildirib ki, buna təklif edilən məbləğin klubun tələblərinə cavab verməməsi səbəb olub. Lakin danışıqlar dayandırılmayıb.
