"Tottenhem"də ayrılıq baş verib.
QOL.az xəbər verir ki, bu barədə klubun mətbuat xidməti məlumat yayıb.
London təmsilçisi baş məşqçisi Ange Postekoqlu ilə yollarını ayırıb. O, komandanı 2023-cü ildən çalışdırıb.
59 yaşlı mütəxəssis hazırkı mövsümdə "Tottenhem"lə Avropa Liqasının qalibi olub. Bu, klubun 2008-ci ildən etibarən ilk tituludur. İngiltərə Premyer Liqasında isə 38 xalla 17-ci yerdə qərarlaşıblar.
Qeyd edək ki, insayder Fabrizio Romanoya istinadən, Postekoqlunun istefası qərarını "Tottenhem"in prezidenti Deniel Levi verib. Hazırda baş məşqçi vəzifəsinə əsas namizəd "Brentford"u çalışdıran Tomas Frankdır.
