“Transfermarkt” portalı İspaniya çempionatında çıxış edən futbolçuların bazar dəyərlərini yeniləyib.
Publika.az xəbər verir ki, “Barselona”nın və İspaniya millisinin 17 yaşlı cinah oyunçusu Lamin Yamal 20 milyon avro bahalaşaraq dünyanın ən dəyərli futbolçusuna çevrilib — onun bazar dəyəri hazırda 200 milyon avrodur.
Əvvəlki lider olan “Real”ən və Braziliya millisinin futbolçusu Viniçius Junior 30 milyon avro ucuzlaşıb və hazırda dünya sıralamasında 5-ci pillədə qərarlaşıb (170 milyon avro). 2–4-cü yerləri Cud Bellingem, Kilian Mbappe (hər ikisi “Real”) və Erlinq Holand (“Mançester Siti”) bölüşürlər. Onların hər birinin dəyəri 180 milyon avrodur.
2024/25 mövsümündə Yamal “Barselona”nın heyətində keçirdiyi 55 oyunda 18 qol vurub, 21 məhsuldar ötürmə edib.
