Gənc fermer, gələcəkdə dünyanın ən vacib peşəsinin əkinçilik olacağına inanır
Türkiyənin Aydın bölgəsinin İncirliova rayonunda yaşayan və 50. Yıl Ortaokulu şagirdi olan 14 yaşlı Muhammet Efe Çelik, 300 hektar ərazidə təkbaşına əkinçiliklə məşğuldur.
Sherg.az xəbər verir ki, quraqlıq və Menderes çayının suyunun azalması səbəbilə bu il qarğıdalı əkdiyini bildirən Çelik, traktor sürməyi və torpaqda işləməyi oyun oynamaq qədər əyləncəli sayır.
Əkinçilik işini internet və ziraət qurumlarından öyrəndiyini deyən gənc fermer, həm dərslərinə vaxt ayırır, həm də sahəsinə qulluq edir. “Gələcəkdə dünyanın ən vacib və müqəddəs peşəsinin kənd təsərrüfatı olacağına inanıram,” – deyə o vurğulayır.
