“Qlobal bazarlarda etibarlı tərəfdaş olmağa davam edəcəyik”.
APA-nın İstanbul bürosu xəbər verir ki, bu barədə Türkiyənin energetika və təbii sərvətlər naziri Alparslan Bayraktar Azərbaycan-Türkiyə IV Enerji Forumu çərçivəsində iki ölkənin enerji potensialından danışarkən bildirib.
Nazir qeyd edib ki, Türkiyə və Azərbaycan malik olduqları geostrateji mövqe, zəngin resurslar və inkişaf etmiş infrastruktur sayəsində bir-birini tamamlayan rollar oynayır, eyni zamanda, regional və qlobal enerji təchizat təhlükəsizliyinə əhəmiyyətli töhfə verirlər.
Türkiyəli nazir Naxçıvanın enerji təminatından da söz açıb: “Türkiyə ilə Naxçıvanı birləşdirəcək elektrik xətti layihəsinin tamamlanması Naxçıvanın enerji təhlükəsizliyini təmin edəcək və ölkələr arasında elektrik ticarətini yeni mərhələyə çıxaracaq”.
