“Azərpoçt” 2024-cü ili 73,5 mln. manat gəlir ilə başa vurub.
"APA-Economics" xəbər verir ki, bunu "Azərpoçt"un 2024-cü ilin yekunlarına dair keçirtdiyi brifinqdə qurumun sədrinin vəzifələrini icra edən İsi Mustafayev deyib.
O bildirib ki, bu keçən ilin müvafiq dövrü ilə müqayisədə 2% çoxdur:
"2024-cü ildə EBİTDA göstəricisi 9.9 milyon, manat xalis mənəət göstəricisi isə 4.5 mln. manat olub. “Azərpoçt”da 2021-ci ildən başladılan köklü dəyişikliklər və transformasiya prosesləri qurumun zərərdən xalis mənfəətə çıxmasına və maliyyə göstəricilərinin yaxşılaşdırılmasına səbəb olub. Qurum 2020-ci ili 7.7 mln. manat zərər ilə başa vurmasına baxmayaraq 2024-cü ildə 4.5 milyon manat xalis mənfəət əldə edib. 2020-ci ilə nisbətdə “Azərpoçt”un xalis mənfəəti 158 % artıb. Artıq son 3 ildir ki, Cəmiyyət ili xalis mənfəət ilə yekunlaşdırır".
