Ötən ay dünya bazarlarında 1 ton qarğıdalının qiyməti 214,4 ABŞ dolları olub.
“APA-Economics” bu barədə Dünya Bankının əmtəə qiymətləri üzrə aylıq hesabatına istinadən xəbər verir.
Məlumata görə, bu, 2024-cü ilin dekabr ayı ilə müqayisədə 5,8% çoxdur.
Ay ərzində 1 ton düyünün qiyməti 478 ABŞ dolları olub ki, bu da ötən aya nisbətən 9,3% azdır.
Yanvar ayında 1 ton buğdanın qiyməti 259,6 ABŞ dolları təşkil edib. Bu isə əvvəlki ayla müqayisədə 0,7 ABŞ dolları çoxdur.
2024-cü il ərzində 1 ton qarğıdalının orta qiyməti 190,6 ABŞ dolları, 1 ton düyünün orta qiyməti 588,4 ABŞ dolları, 1 ton buğdanın orta qiyməti isə 268,7 ABŞ dollarına bərabər olub. Bu isə 2023-cü illə müqayisədə müvafiq olaraq 24,6% az, 6,3% çox və 21,1% azdır.
