Azərbaycanla Çin arasında ümumvətəndaş pasportlarına malik vətəndaşların vizadan qarşılıqlı azad edilməsi ilə bağlı saziş imzalanıb.
Sazişi Azərbaycanın xarici işlər naziri Ceyhun Bayramov və Çinin xarici işlər naziri Van İ imzalayıblar.
Mövzu ilə fikirlərini bölüşən turizm eksperti Cabir Dövlətzadə Sherg.az-a bildirib ki, Azərbaycanla Çin arasında vizanın qaldırılması turizm münasibətlərinə çox ciddi təsir göstərəcək:
“Çünki Çin dünyanın ən böyük iki ölkəsindən biridir. Həmçinin Hindistandan sonra ikinci yeri tutan Çinin turizm potensialı da çox genişdir. Ümumiyyətlə Azərbaycana Çindən gələn turistləri ilk onluqda yer alırlar. Vizasız rejimə keçid çinli turistlərin 50-60 faiz, bəlkə də daha çox artımına gətirib çıxaracaq. Çünki Çin turistləri daha çox mədəniyyət yönümlü turistlərdir. Onlar sadəcə Bakını deyil, Lahıc, Şəki kimi tarixi məkanları görməkdə israrlıdırlar. Turları da ən azı üç, yeddi gün çəkir. Bu isə o deməkdir ki, Azərbaycanın turizm kütləsində ciddi artım olacaq və visasız rejim həqiqətən də turizmin inkişafına ciddi töhfə verəcək. Biz yaxın bir zamanda turist axını başlayacağını və davam edəcəyini gözləyirik”.
