“Bu gün "Əsrin müqaviləsi"nin imzalanmasından 26 il ötür. Bu müqavilənin Azərbaycanın dövlətçiliyi baxımından önəmi misilsizdir. "Əsrin müqaviləsi" barədə danışarkən biz tək onun iqtisadi deyil, həm də siyasi əhəmiyyətini vurğulamalıyıq”.
“Sherg.az”ın xəbərinə görə, bu sözləri deputat Elnur Allahverdiyev deyib. O bildirib ki, dünyanın aparıcı dövlətlərinin transmilli neft şirkətləri ilə imzalanan müqavilənin Azərbaycanın müstəqilliyinin bərqərar olmasında böyük rolu var:
“Bu sənədin həm ölkəmizdə, həm də regiondakı siyasi sabitlik baxımından əhəmiyyəti danılmazdır. Azərbaycan müqavilə nəticəsində ölkəmizə axan sərmayeni insan kapitalına və iqtisadiyyata yönəltməklə, ayağa qalxmağa müvəffəq oldu və nəticəsi göz qabağındadır – sosial-iqtisadi inkişaf, ordu quruculuğu, insanların firavan həyatı. "Əsrin müqaviləsi" istisnasız olaraq Heydər Əliyev dühası və zəkasının məhsuludur. Qeyri-sabit, ərazilərinin işğal altında olduğu, iqtisadiyyatın süqut etdiyi, dövlətçilik üçün tələb olunan hüquqi-siyası bazanın yoxluğu şəraitində buna nail olmaq müdhiş siyasi fəaliyyət, dəmir iradə və bacarıq tələb edirdi”.
