Əmək haqlarına tətbiq edilən vergi güzəştlərinin ləğv edilməsindən söhbət getmir. Dünyanın hər bir yerində vergi güzəştləri müəyyən olunanda müddətli olur.
APA xəbər verir ki, bunu Milli Məclisdə Hüquq siyasəti və dövlət quruculuğu, Müdafiə, təhlükəsizlik və korrupsiya ilə mübarizə, İnsan hüquqları, Regional məsələlər komitələrinin birgə iclasında iqtisadiyyat nazirinin müavini Sahib Ələkbərov deyib.
"Vergi güzəştinin bu növü üzrə də 7 il müəyyən edilmişdi. Bu müddət başa çatdı. Həmin məsələyə vergi güzəştinin yeni növü gətirilir. 2500 manata qədər əməkhaqqı alan adamlara 14% olmalı idi, amma gələn ildən bu, 3% olacaq. Azərbaycanda 2500 manat əmək haqqı alanların kifayət qədər çoxdur. 3% o qədər də böyük məbləğ deyil", - deyə nazir müavini bildirib.
